Programi i studios tonë bazohet në disa drejtime duke synuar një zhvillim të brendshëm multidimensional me teknika që bëjnë pastrimin e trupit, mendjes dhe emocioneve nga bllokimet energjitike të cilat ndodhin në nivele të ndryshme për secilin nga ne. Duhet të pastrohen emocionet dhe mendimet e shtypura sepse njeriu mund të imagjinojë por nuk mund të ndjejë realisht fuqinë dhe energjitë e tij. Të gjitha këto teknika ju japin fragmente dhe ju filloni të ndjeni momente ku gjëra të reja fillojnë të ndërtojnë dhe kompletojnë njëra-tjetrën. Ka dy lloje teknikash, një lloj për të harruar veten, metodat sufiste me lutje, me vallëzim, me muzikë, të dehur prej tingujve dhe lloji tjetër është duke kujtuar veten, të fokusuar vazhdimisht në qenien tuaj. Qi gong dhe joga ju kthejnë te trupi, punojnë me miliona nerva dhe i rikthejnë në jetë. Energjia nuk duhet të përqendrohet por të rrjedhë në harmoni. Studio jonë (Osho Vizion) përdor teknika të ndryshme meditimi që kanë metodologjinë perëndimore të kombinuar me intuitën e lindjes, e mbledhin pastaj e çlirojnë energjinë që të rrjedhë në rrugët e saj natyrale. Të gjitha janë mjete dhe në momentin që ju e keni këtë energji ajo mund të lulëzojë në nivele më të larta. Në këtë mënyrë mund të keni vizionin e dy ekstremeve dhe ti balanconi ato në mes duke krijuar një njeri, as ekspresiv, as represiv, por thjesht në ekuilibër.